ಚಿಕ್ಕಮಗಳೂರಿನ ಕುವೆಂಪು ಕಲಾ ಮಂದಿರದಲ್ಲಿ ಮಂಗಳವಾರ ನಡೆದ ಮಕ್ಕಳ ಹಬ್ಬ ಕಾರ್ಯಕ್ರಮದಲ್ಲಿ ಮೂಡಿಗೆರೆಯ ಹೆಸರಾಂತ ನೃತ್ಯ ಶಾಲೆಯಾದ ಎ ಎಸ್ ಎನ್ ಡ್ಯಾನ್ಸ್ ಸ್ಟುಡಿಯೋದ ವಿದ್ಯಾರ್ಥಿಗಳು ನೀಡಿದ ಪ್ರದರ್ಶನ ಪ್ರಶಂಸೆಗೆ ಪಾತ್ರವಾಯಿತು.
ಎ.ಎಸ್.ಎನ್. ಡ್ಯಾನ್ಸ್ ಸ್ಟುಡಿಯೋದ ಮೂರು ಶಾಖೆಗಳಾದ ಮೂಡಿಗೆರೆ, ಬಣಕಲ್ ಹಾಗೂ ಜನ್ನಾಪುರ ಶಾಖೆಯ ಮಕ್ಕಳು ನೀಡಿದ ಜಾನಪದ ನೃತ್ಯ ಪ್ರದರ್ಶನ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಯಿತು. ವೀಕ್ಷಕರಿಂದ ಚಪ್ಪಾಳೆಯ ಜನ ಮನ್ನಣೆಗೆ ಪಾತ್ರವಾಯಿತು.
ಈ ಸಂದರ್ಭದಲ್ಲಿ ಎ.ಎಸ್.ಎನ್. ಡ್ಯಾನ್ಸ್ ಸ್ಟುಡಿಯೋದ ಸಂಸ್ಥಾಪಕರು, ನೃತ್ಯ ನಿರ್ದೇಶಕರಾದ ಅಜಿತ್ ಕೆವಿಯಾರ್ ಹಾಗೂ ನವ್ಯಶ್ರೀ ಕೆವಿಯಾರ್ ಮಕ್ಕಳ ಕಲಾಪ್ರತಿಭೆಯನ್ನು ಅನಾವರಣ ಮಾಡುವಲ್ಲಿ ವಿಶೇಷ ಪಾತ್ರ ವಹಿಸಿದ್ದರು.
