ಮೂಡಿಗೆರೆ ತಾಲ್ಲೂಕು ಉತ್ಸವದ ಕೊನೆಯ ದಿನವಾದ ಇಂದು ರಾಜ್ಯಮಟ್ಟದ ಸಮೂಹ ನೃತ್ಯ ಸ್ಪರ್ಧೆ ನಡೆಯಲಿದೆ.
ಮೂಡಿಗೆರೆ ಕ್ರಿಯೇಟೀವ್ ಮೈಂಡ್ಸ್ ಸಹಯೋಗದಲ್ಲಿ ಹಮ್ಮಿಕೊಂಡಿರುವ ಗ್ರೂಪ್ ಡ್ಯಾನ್ಸ್ ಕಾರ್ಯಕ್ರಮದಲ್ಲಿ ರಾಜ್ಯದ ನಾನಾ ಭಾಗಗಳಿಂದ ಆಯ್ದ ಸುಮಾರು 20 ನೃತ್ಯತಂಡಗಳು ಭಾಗವಹಿಸಲಿವೆ ಎಂದು ಮೂಡಿಗೆರೆ ಪಟ್ಟಣ ಪಂಚಾಯಿತಿ ಸದಸ್ಯ ಕ್ರಿಯೇಟೀವ್ ಮೈಂಡ್ಸ್ ನ ಮನೋಜ್ ಕುಮಾರ್ ತಿಳಿಸಿದ್ದಾರೆ.
ಕಳೆದ ಮೂರು ದಿನಗಳಿಂದ ಮೂಡಿಗೆರೆ ತಾಲ್ಲೂಕು ಉತ್ಸವದ ವೇದಿಕೆಯಲ್ಲಿ ಆಕರ್ಷಕ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತಿದ್ದು, ಜನಸಾಗರವೇ ಮೂಡಿಗೆರೆ ಹೊಯ್ಸಳ ಕ್ರೀಡಾಂಗಣದಲ್ಲಿ ನೆರೆಯುತ್ತಿದೆ.
ಇಂದು ಉತ್ಸವದ ಕೊನೆಯ ದಿನವಾಗಿದ್ದು ಅತಿಹೆಚ್ಚಿನ ಸಂಖ್ಯೆಯಲ್ಲಿ ಜನಸೇರುವ ನಿರೀಕ್ಷೆಯಿದೆ.
