ಮೂಡಿಗೆರೆ ತಾಲ್ಲೂಕಿನ ಬಣಕಲ್ ಮುಖ್ಯ ರಸ್ತೆಯಲ್ಲಿ ಪಾದಚಾರಿ ಮಾರ್ಗದಲ್ಲಿರುವ ವಿದ್ಯುತ್ ಟ್ರಾನ್ಸ್ ಪಾರ್ಮರ್ ಸ್ಥಳಾಂತರಿಸಿ ಎಂದು ಬಿಜೆಪಿ ಮುಖಂಡ ಬಿ.ಎಸ್.ವಿಕ್ರಂ ಒತ್ತಾಯಿಸಿದ್ದಾರೆ.
ವಿದ್ಯುತ್ ಟ್ರಾನ್ಸ್ ಪಾರ್ಮರ್ ಪಾದಚಾರಿ ಮಾರ್ಗದಲ್ಲಿ ಅಳವಡಿಸಿದ್ದು ಅದರ ಚೇಂಜ್ ಒವರ್ ಮಾಡುವ ಸಲಾಕೆ ಅನೇಕರಿಗೆ ತಲೆಗೆ ಹೊಡೆದು ಗಾಯಗಳಾಗುತ್ತಿವೆ. ರಸ್ತೆ ವಿಸ್ತರಣೆ ಸಮಯದಲ್ಲಿ ಅದು ಎತ್ತರದಲ್ಲಿ ಇತ್ತು. ಆದರೆ ರಸ್ತೆ ವಿಸ್ತರಣೆ ನಂತರ ರಸ್ತೆ ಎತ್ತರವಾಗಿರುವುದರಿಂದ ಅನೇಕರಿಗೆ ಇದರಿಂದ ತೊಂದರೆಯಾಗಿದೆ.
ಸದಾ ಜನರ ಓಡಾಟದಿಂದ ಈ ಪಾದಚಾರಿ ರಸ್ತೆ ಬಳಕೆಯಾಗುವುದರಿಂದ ಜನರ ಅಡಚಣೆಗೆ ಉಂಟಾಗಿರುವ ಈ ವಿದ್ಯುತ್ ಟ್ರಾನ್ಸ್ ಪಾರ್ಮರ್ ಅನ್ನು ಬದಿಗೆ ಸ್ಥಳಾಂತರಿಸಬೇಕು ಎಂದು ಗ್ರಾಮಸ್ಥ ಸುರೇಶ್ ಶೆಟ್ಟಿ ಅವರು ಸಹ ಆಗ್ರಹಿಸಿದ್ದಾರೆ.
