ಮಹಾ ಶಿವರಾತ್ರಿಯ ಪವಿತ್ರ ಸಂದರ್ಭದಲ್ಲಿ ರಾಜ್ಯದ ವಿವಿಧ ಭಾಗಗಳಿಂದ ಭಕ್ತರು ಶ್ರೀ ಕ್ಷೇತ್ರ ಧರ್ಮಸ್ಥಳಕ್ಕೆ ಪಾದಯಾತ್ರೆ ಮೂಲಕ ಪ್ರಯಾಣಿಸುತ್ತಿದ್ದರು. ಈ ಸಂದರ್ಭದಲ್ಲಿ ಮೂಡಿಗೆರೆ ತಾಲ್ಲೂಕು ಬಣಕಲ್ ಹೋಬಳಿ ಚಕ್ಕಮಕ್ಕಿ ಗ್ರಾಮದ ಮುಸಲ್ಮಾನ್ ಯುವಕರ ತಂಡವು ಪಾದಯಾತ್ರಿಕರಿಗೆ ಊಟ, ಉಪಹಾರ ಮತ್ತು ಪಾನೀಯ ವ್ಯವಸ್ಥೆಯನ್ನು ಕಲ್ಪಿಸಿ ಸೌಹಾರ್ದತೆಯನ್ನು ಮೆರೆದಿದೆ.
ಗ್ರಾಮದ ಮುಖ್ಯ ರಸ್ತೆಯ ಬಳಿಯಲ್ಲಿ ತಾತ್ಕಾಲಿಕ ಶಿಬಿರವನ್ನು ನಿರ್ಮಿಸಿ ಭಕ್ತರಿಗೆ ಪಲಾವ್, ಸಲಾಡ್ ಮತ್ತು ಕುಡಿಯುವ ನೀರು ವಿತರಿಸಲಾಯಿತು. ಆಹಾರವನ್ನು ಸ್ವಚ್ಛತೆಯೊಂದಿಗೆ ಸಿದ್ಧಪಡಿಸಿ, ಪ್ರತಿಯೊಬ್ಬ ಯಾತ್ರಿಕನಿಗೂ ಸಮರ್ಪಕವಾಗಿ ತಲುಪುವಂತೆ ವ್ಯವಸ್ಥೆ ಮಾಡಲಾಗಿತ್ತು. ಬೆಳಿಗ್ಗೆಯಿಂದಲೇ ಯುವಕರು ಸೇವಾ ಮನೋಭಾವದಿಂದ ಕಾರ್ಯನಿರ್ವಹಿಸಿದರು.
ಪಾದಯಾತ್ರಿಕರು ಈ ಸೇವೆಯನ್ನು ಮೆಚ್ಚಿ, ಧರ್ಮಭೇದವಿಲ್ಲದೆ ನೀಡಿದ ಆತಿಥ್ಯಕ್ಕೆ ಕೃತಜ್ಞತೆ ಸಲ್ಲಿಸಿದರು. ಈ ಕಾರ್ಯಕ್ರಮವು ಸಮಾಜದಲ್ಲಿ ಸಹೋದರತ್ವ, ಮಾನವೀಯತೆ ಮತ್ತು ಶಾಂತಿಯ ಸಂದೇಶವನ್ನು ಸಾರಿತು.
ಈ ಸೇವಾ ಕಾರ್ಯದಲ್ಲಿ ಭಾಗವಹಿಸಿದ್ದವರು: ಜುನೈದ್, ಅಜ್ಗರ್, ಕಾಶ್ಮಾನ್, ಶರೀದ್, ನಹೀಮ್, ಇಮ್ರಾನ್, ಹಫಿಲ್, ನಿಯಾಜ್, ರಿಹಾನ್, ಅಬ್ಬು, ನಾಸಿರ್, ರಫೀಕ್, ಹಮ್ಜಾ, ಹುಸೇನ್, ಶಿಫಾನ್, ಹರಿಸ್ ಮತ್ತು ಇಕ್ಬಾಲ್.
